മുടക്കുഴ
ഗ്രാമ പഞ്ചായത്ത്

സ്ത്രീകളുടെയും കുട്ടികളുടെയും അവകാശങ്ങൾ ഉറപ്പുവരുത്തുന്നതിനും അവരുടെ ശാരീരികവും മാനസികവും ജീവൻ സുരക്ഷിതത്വവും ഉറപ്പാക്കുന്നതിനും അവർക്കെതിരെയുണ്ടാകുന്ന അതിക്രമങ്ങളും അവകാശ ലംഘനങ്ങളും സാമൂഹ്യവിലക്കുകളും തടയുന്നതിനുമായി പ്രാദേശികതലത്തിൽ നിരന്തരം ജാഗ്രതയോടെ പ്രവർത്തിക്കുന്ന സ്ത്രീ-ശിശു സംരക്ഷണ വേദിയാണ് ജാഗ്രത സമിതി.

പരിരക്ഷാ സംവിധാനം ഒരുക്കുന്നതിനായി പ്രദേശത്ത് തൽക്ഷണം ഇടപെടലുകൾ ആവശ്യമായ വിഷയങ്ങളിൽ അടിയന്തരമായി പ്രവർത്തിക്കുകയും വിവിധ സർക്കാർ സംവിധാനങ്ങളുമായും നിയമസഹായ ഏജൻസികളുമായും ഏകോപനം ഉറപ്പാക്കി സ്ത്രീകൾക്കും കുട്ടികൾക്കും ആവശ്യമായ സംരക്ഷണം ലഭ്യമാക്കുകയും ചെയ്യുന്നതാണ് ജാഗ്രത സമിതിയുടെ പ്രധാന ചുമതല.

വിവിധ കമ്മിറ്റികളുടെ അഭാവം ചൂണ്ടിക്കാട്ടി ഉപേക്ഷിക്കപ്പെടുന്ന പരാതികളും പ്രശ്നങ്ങളും ബന്ധപ്പെട്ട സർക്കാർ വകുപ്പുകളുടെയും നിയമസഹായ സംവിധാനങ്ങളുടെയും സഹായത്തോടെ പരിഹരിക്കുന്നതിനും ജാഗ്രത സമിതി പ്രവർത്തിക്കുന്നു.

ഗ്രാമപഞ്ചായത്ത് ജാഗ്രത സമിതിയിൽ ആകെ 11 അംഗങ്ങളാണുള്ളത്.

തദ്ദേശഭരണ സ്ഥാപനതലത്തിൽ സ്ത്രീകളുടെയും കുട്ടികളുടെയും സംരക്ഷണത്തിനായി രൂപീകരിക്കുന്ന ജാഗ്രത സമിതിയുടെ കീഴ്ഘടകമാണ് വാർഡ് / ഡിവിഷൻ തല ജാഗ്രത സമിതി. സ്ത്രീകൾക്കും കുട്ടികൾക്കും നേരിടുന്ന പ്രശ്നങ്ങളിൽ പ്രാദേശികതലത്തിൽ വേഗത്തിലുള്ള ഇടപെടൽ ഉറപ്പാക്കുക എന്നതാണ് സമിതിയുടെ പ്രധാന ലക്ഷ്യം.

വാർഡ്തല സമിതിയുടെ പൊതുയോഗം ഗ്രാമസഭയോടൊപ്പമോ പ്രത്യേകം ഗ്രാമസഭയായോ സൗകര്യാർത്ഥം സംഘടിപ്പിക്കാവുന്നതാണ്.